10 Actualité Côtes d’Armor M A G A Z I N E À Saint-Nicodème, Radio Kreiz Breizh élargit ses programmes en breton Skignañ asambles, skignañ gwelloc’h Laouen eo Kristen Rivoalen (a-gleiz) ha Tugdual Karluer (a-dehou) e vefe skignet teir eurvezh programmoù fresk e brezhoneg bemdeiz war gwagennoù RKB. Radio Kreiz Breizh fait partie d’un réseau de quatre radios associatives régionales grâce auquel elle diffuse chaque jour un journal d’information en breton. Une mutualisation qui a aussi permis à RKB d’élargir sa grille d’émissions, d » tre diffusée et podcastée sur internet. D.R. (1) skignañ : diffuser (2) kevredigezhel : associatif (3) breser : brasseur (4) dispac’h : révolution (5) spletus : avantageux (6) atersadenn : interview Selaou RKB dre ar post bihan 99.4, Berrien 102. 9, Kallag 106.5, Gwengamp Selaou ha podkastiñ RKB dre ar rouedad bras radiobreizh.net Patron ar c’hoved eo Sant Nigouden sañset. Met brudet eo parrouz Sant-Nigouden ivez gant he radio, RKB, Radio Kreiz Breizh bet krouet tost 30 vloaz zo hag a skign (1) abadennoù e brezhoneg hag e galleg. Bemdez e vez Tugdual Karluer war an hent. Kazetenner eo, met n’eo ket evit RKB hepken. Savet eo bet gant ar radio bihan-mañ ur rouedad radioioù kevredigezhel (2) e brezhoneg anvet Brudañ ha Skignañ evit… brudañ ha skignañ programmoù ha keleier e brezhoneg. Keleier e brezhoneg bemdez « Bemdez e vez graet un emvod dre bellgomz eus ar beure gant kazetennerien Radio Bro Gwened, Radio Kerne hag Arvorig FM, eme Tugdual. Kempouezañ a reomp ar sujedoù evit ma vefe komzet eus an holl danvezioù hag eus holl dachennoù Breizh ». Kinniget e vez keleier ar vro gant unan eus ar pevar c’hazetenner da 5e30 goude kreisteiz hag adskignet da 6e45 g.k. hag eus ar beure warlerc’h, da 7e30, 8e hag 8e30. Da skouer, pa vez divizet gant an Asamble uhelaat an tailhoù war ar bier e sav Tugdual ur reportaj gant breserien (3) Poc’her. Pa vez kistion eus Doux e vez graet ar sujedoù gant Radio Kerne. « Ne vez ket komzet kalz eus keleier ar bed, eme Tugdual, nemet pa vez kavet ur brezhoneger war an da - chenn, evel pa oa an dispac’h (4) en Tunis ». Spletus (5) eo aozadur Brudañ ha Skignañ. Peog - wiremañ staliet e pevar lec’h disheñvel (Sant- Nigouden, Ploneiz, Lan - derne ha Pondi) eo aes d’ar gazetennerien mont war an dachenne pep korn a Vreizh Izel. Dre divskouarnar selaouerien e vez klevet evel-se brezhoneg a bep seurt. « Tud eus bro Leon, bro Dreger ha bro Gwened a c’hall bezañ klevet : se eo talvoudegezh ar c’heleiermañ, eme Kristen Rivoalen, rener RKB. Ha berr eo an atersadennoù (6), pezh zo mat evit en em voaziañ eus doareoù all da gomz ». Gwir eo eo ret chom aketus evit kompren paotred foar ar c’hezeg e Kerien pe tud bro Gwened. « E galleg eo heñvel, eme Kristen, tud zo a gomz sklaeroc’h evit ar re all ». Heñvel ivez peogwir eo ken liesseurt ar galleg, eus bro Gebek da Senegal, dre Aljeria pe Vietnam. Rouedad Brudañ ha Skignañ a lak ar radioioù da eskemm o abadennoù all ivez. Adskignet e vez kaozeadennoù Yann-Ber Gwiader (Tud eus ar vro) ha kentelioù Herri an Naou (Hent ar brezhoneg) e Breizh Izel, kement ha kronikoù ar beure gant Marie-Laure Groe. Eus he du e tegemer RKB abadennsonerezh Radio Bro Gwened (Popskeud) hag An divskouarno nijal, produet gant Radio Kerne hag Arvorig FM, hag a ya pelloc’h gant ar c’heleier. « Evel-se e c’hallomp skignañ tro-droteir eurvezh programmoù fresk bemdez, » eme rener RKB. Bep bloaz e vez arc’hantaet Brudañ ha Skignañ gant rannvro Breizh hag an departamantoù ; skoazell Aodoù an Arvor a zo bet 5 000 € e 2012. Stéphanie Stoll > Consultez la version fran « aise de cet article |
