[13] Accents n°254 jan/fév 2020
[13] Accents n°254 jan/fév 2020
  • Prix facial : gratuit

  • Parution : n°254 de jan/fév 2020

  • Périodicité : bimestriel

  • Editeur : Conseil Général des Bouches-du-Rhône

  • Format : (210 x 280) mm

  • Nombre de pages : 48

  • Taille du fichier PDF : 9,5 Mo

  • Dans ce numéro : 2020, l'année de la nature.

  • Prix de vente (PDF) : gratuit

Dans ce numéro...
< Pages précédentes
Pages : 44 - 45  |  Aller à la page   OK
Pages suivantes >
44 45
#DÉCOUVERTES PROUVÈNÇO, UN TERRITÒRI RICHE DE SA BIOUDIVERSITA Notre rubrique dédiée à la langue provençale rappelle, en dialecte rhodanien, que la Provence offre une biodiversité parmi les plus riches de France. Un véritable trésor en héritage comme en partage qu’il nous faut préserver. Retrouvez sur notre site internet la traduction en langue française de l’article. Emé quauque 31 400 km 2, Prouvènço porge l’uno di bioudiversita li mai drudo de Franço à quàsi 5 milioun d’estajanemai 35 milioun de touristo pèr an ! Aqui dounc un pau mai qu’aiours, lis engage pèr l’espandimen duradis soun proun gros e l’equilibre juste es de necite entre l’espandimen ecounoumi, endustriau, touristi e lou mantèn d’un patrimòni naturau riche riche. Pichoto vòuto à grand dèstre d’aquéu bèu poutenciau. UN TRESOR VERTADIÉ EN EIRETAGE DE PARTEJA… Prouvènço es claramen un councentra dóu mounde coume n’en parlè Frederi Mistral dins La Rèino Jano (1890) quouro escriguè « La Prouvènço Madamo, aquelo perlo vostro, dóu mounde es l’abréujat, lou mirau e la mostro »... Verai, nosto regioun, pecaire, parèis coume uno vertadiero mousaïco de mitanemai de païsage que fai coume un anfiteatre rouman di grand que vai de la mar à l’auto mountagno. 44 l Le magazine du Département des Bouches-du-Rhône l #254 Aquéu biais óuriginau s’apren i gròssis unita dóu relèu e dóu climat, que Prouvènço i’es i quatre camin  : au levant, lis Aup emé si jóuini mountagnage frounsi ; au pounènt, la valèio de Rose ; au miejour, Mieterrano. Assouciado à-n-uno longo istòri d’interacioun Ome- Naturo, aquesto mescladisso d’elemen naturau esplico au nostre aquelo diversita di mitan naturau, dis oustau e dis ecousistèmo. Poudèn dounc èstre fièr de viéure dins un liò que comto pèr la bioudiversita moundialo e que recampo – encaro – uno moulounado d’espèci remarcablo sus lou territòri naciounau  : 71% dóu plantun, 60% di tavan, 63% de l’aucelun, 55% dis anfibiéu, 85% di mamifèr, 70% dóu reptilun, 53% dóu pèis d’aigo douço. Demié aquélis espèci, se pòu cita pèreisèmple la pichoto estardo, la tartugo d’Hermann, la perdris roujo, la vipèro d’Orsini, la ratopenado de Beschstein, lou castor d’Éuropo… Marais Viguieras
departement13.fr VA SABIAS ACÒ ? LOU PARGUE NACIOUNAU DEI CALANCO  : UN BÈL EISÈMPLE D’APARAMEN DE NOUESTO BIOUDIVERSITA EN PROUVÈNÇO ! (DIALÈITE MARITIME) Lou Pargue naciounau dei Calanco fa partido dei pargue naciounau francés, recampant leicalanco de Marsiho, dins lou despartamen dei Bouco-dóu-Rose, au couar de la metroupòli de-z-Ais-Marsiho- Prouvènço. Founda en 2012, es lou proumié pargue naciounau periurban d'Uropo tout au còup terrèstre e marin, au moumen que lou Prougramo pèr l'Envirounamen de l'ONU, l’Unien Uroupenco e l'Estat counseiavo de metre lèu en plaço un maiun de la bouono de Relarg Marin Proutegi, fin que la bioudiversita marino calèsse de s’apichouni. Puei, es lou proumié Pargue Naciounau crea en Franço metroupoulitano despuei 1979, que leitrei darnié Pargue naciounau crebèron l’uou óutro-mar. Bouonodi noueste pargue, Marsihoemai sa Metroupòli van soun camin un pau coumo Cape Town en Africo dóu Sud o Sydney en Australìo e soun pargue naciounau periurban ! MAI UN TRESOR QUE NOUS FAU APARA D’UN BIAIS DU-RA-DIS ! Vuei, la bioudiversita es en dangié dins lou mounde entié  : d’espèci que noun sai soun amenaçado, de ressourso naturalo soun arrouinado e de poupulacioun perdon sis oustau e sis amiro. À soun nivèu, en Prouvènço poudèn pas grata camin davans ço que se debano maugrat li mesuro proun noumbrouso que soun ja esta presso  : nosto regioun recato pèreisèmple lou mai de pargue naturau en Franço ! E chascun saup aro que la bioudiversita fai mestié dins l’evoulun naturau de tóuti lis ecousistèmo de nosto planeto  : uno bioudiversita di grosso vous rènd la biousfèro mai establo e asatado fàci i chanjamen dóu biais de l’envirouno. #PARLEN PROUVENÇAU ! Quouro la bioudiversita s’endevèn un engage majourau de noste siècle pèr tóuti lis atour de la soucieta, en mume tèms s’apichounis mai que mai... Fau dounc faire lèu… Autramen di, bouleguen-se tóuti pèr sauva l’equilibre de nosto planeto, en gardant en tèsto aquelo bello citacioun que sarié d’Antòni de Saint-Exupéry  : « La Terro, es pas uneiretage baia pèr nòstis ancian. Es l'emprunt que fasèn à nòstis enfant ». Chascun pòu e dounc se dèu de pourta sa pèiro au clapié, en coumençant, tè, en multiplicant pèreisèmple lis acioun ecourespounsablo. Es dins aquelo amiro que noste despartamen fai de l’annado 2020, l’annado de la bioudiversita en Prouvènço ! Osco e longo mai ! Jan-Miquèu Turc Proufessour certifica de lingo prouvençalo Majourau dóu Felibrige Belvédère de Sugiton Maxime Bérenger



Autres parutions de ce magazine  voir tous les numéros


Liens vers cette page
Couverture seule :


Couverture avec texte parution au-dessus :


Couverture avec texte parution en dessous :